Høgravalevni verður nýggjur forseti í Kosta Rika

Alt bendir á, at valevnið hjá høgraveinginum, Laura Fernandez, verður nýggjur forseti í Kosta Rika.

Tað tykist vera greitt, nú 81 prosent av atkvøðunum eru tald upp.

39 ára gamla Laura Fernandez fær undirtøku frá umleið 49 prosentum av verljarunum.

Avbjóðarin, Alvaro Ramos, sum politiskt heldur til á miðjuni, hevur fingið góð 33 prosent, skrivar Ritzau.

Alvaro Ramos hevur longu viðgingið, at hann hevur tapt forsetavalið, og Laura Fernandez hevur lýst seg sum vinnara.

Høvuðsevnini í valstríðnum hava verið narkotikahandil og harðskapurin í Kosta Rika. Sagt verður at landið er vorðið transitland hjá narkokartellum í Meksiko og Kolombia.