1400 mótmælisfólk handtikin í Turkalandi

1418 fólk eru handtikin eftir mótmælisgongurnar, sum hava verið í Turkalandi seinastu dagarnar, skrivar NRK. 

Myndugleikarnir í landinum hava bannað mótmælisgongum, men kortini hava mótmælisgongurnar hildið fram.

Fleiri tíggjutúsund fólk hava mótmælt í gøtunum í Turkalandi, eftir at Ekrem Imamoglu, borgarstjóri í Istanbul, varð handtikin í síðstu viku, í sambandi við skuldsetingar um mutur og yvirgang.

Imamgoglu er sagdur at vera argasti mótstøðumaðurin hjá forsetanum, Recep Erdogan. Og størsti andstøðuflokkurin í Turklandi hevur kosið hann til forsetavalevni. 

Eftir ætlan verður ikki forsetaval í Turkalandi fyrr enn í 2028.