- Tíðindi, mentan og ítróttur
Forkvinnan í Tjóðveldi: Hetta snýr seg ikki um persónar
Forkvinnan í Tjóðveldi: Hetta snýr seg ikki um persónar
Høgni Hoydal hevur tikið sæti í fleiri løgtingsnevnumnevndum, meðan Liljan Weihe ikki longur er umboðað í uttanlandsnevndini og útnorðurráðnum
Sirið Stenberg er forkvinna í Tjóðveldi.
Mynd: Bjarni Árting Rubeksen
11.04.2025 - 12:54
- Hetta snýr seg ikki um persónar, men um broytingar, sum eru gjørdar, tí flokkurin hevur umskipað landsstýrissessirnar.
Tað sigur Sirið Stenberg, forkvinna í Tjóðveldi, nú flokkurin hevur valt limir í løgtingsnevndir av nýggjum.
Høgni Hoydal hevur tikið sæti í fleiri nevndum, . m.a. í uttanlandsnevndini, meðan Liljan Weihe ikki longur er umboðað í uttanlandsnevndini og utnorðurráðnum.
Sirið Stenberg vísir aftur, at Liljan Weihe hevur mist nevndarsessirnar fyri sína støðu í málinum um misálitið á Ingilín Strøm og í øðrum málum.
Bjørt Samuelsen, løgtingsforkvinna, verður nú eisini limur í útnorðurráðnum. (Mynd: Bjarni Árting Rubeksen)
Liljan Weihe hevur mist nevndarsessir. (Mynd: Bjarni Árting Rubeksen)
Samstundis hevur Bjørt Samuelsen, sum er løgtingsforkvinna, fingið nevndarsess.
Sjálv heldur Bjørt Samuelsen ikki, at tað er nakar trupulleiki at sameina leiklutin sum løgtingsforkvinna í við ein virknan sess í utnorðurráðnum.
Hoyr innslag í útvarpstíðindunum:
11042025_Tjodveldi_og_nevndir
Liljan Weihe hevur onga viðmerking til málið.
Er kopiera
Nýggjastu sendingar í ÚV
Nýggjastu sendingar í SV
