Frítekst tagging:
- Tíðindi, mentan og ítróttur
Hákun stórspælandi í Champions League-fjórðingsfinalu
Hákun stórspælandi í Champions League-fjórðingsfinalu
Føroyski landsliðsvongurin Hákun West av Teigum vísti seg fram frá síni bestu síðu, tá Füchse Berlin vann við átta málum ímóti Aalborg
Hákun West av Teigum skorar ímóti Niklas Landin. Føroyingurin fekk sjey mál tilsamans
Mynd: Andreas Gora/AP/Ritzau Scanpix
24.04.2025 - 21:22
Hákun West av Teigum stórspældi, tá Füchse Berlin vann við átta málum á Aalborg í fyrru fjórðingsfinaluni í Champions League.
Føroyski landsliðsvongurin skeyt ikki færri enn sjey mál upp á átta royndir, tá høvuðsstaðarfelagið vendi hóttandi tapi til stórsigur eftir steðgin í Max-Schmeling-Halle í Berlin.
Heilt stóri spælarin var kortini Mathias Gidsel, sum skeyt 11 mál og átti næstsíðstu hond á níggju.
Aalborg byrjaði nógv betur og var frammanfyri við fimm miðskeiðis í fyrra hálvleiki, men berlinrevarnir minkaðu so líðandi til hálvleiksstøðuna 14-15.
Bæði Hákun West av Teigum og restina av heimaliðnum vóru flúgvandi, og danir megnaðu ikki at fylgja við, tá Füchse Berlin setti ferðina heilt upp.
Seinna hálvfinalan verður næsta mikudag í Aalborg.
Hákun West av Teigum og teir eru nú stórfavorittar at spæla seg í hálvfinalurnar. (MYND: Andreas Gora/AP/Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
