Almannaverkið 50 ár: Gevur okkum innihald í gerandisdegnum

- Hetta gevur okkum innihald í gerandisdegnum, siga tey, sum arbeiða á verkstøðunum undir Almannaverkinum, sum vit hittu á føðingardegnum hjá Almannaverkinum í Norðurlandahúsinum í dag. 

1. apríl í 1975 varð Almannastovan sett á stovn og 50 ára føðingardagurin varð hildin í Norðurlandahúsinum í dag. Her høvdu m.a. verkstaðirnir undir Almannaverkinum framsýning og sølu av lutum, sum tey hava gjørt. 

Á stovningardegnum hjá Almannaverkinum, sum varð hátíðarhildin í Norðurlandahúsinum fekk Jenny í Heiðunum heiðurin sum ársins rúmligi arbeiðsgevari.