Indonesar flýggja undan gosfjalli

Fyrst í november byrjaði gosfjallið Sinabung har vestri í Indonesia at goysa so spakuliga, og síðan hevur tað ment seg.

Tí eru íbúgvarnir í Karo-landslutinum fluttir burtur, sigur eitt umboð fyri myndugleikarnar á staðnum, sambært NRK.no.

Fjálturin hevur eisini breitt seg til øki, sum ikki eru í beinleiðis vanda.

Kirkjur og moskur eru tiknar í brúk sum skjól av teimum, ið er eru flýdd undan eldgosinum.