Sjóhitanum tørvar fleiri pengar

Tað eru tólv ár síðan, at tankarnir til eina sjóhitaskipan komu í Klaksvík. Eitt nýbrot varð sagt og skipanin skuldi hita ikki minni enn 80 prosent av býnum. Og tað hevur higartil kostað kostað 13 millióni krónur. Arbeiðið lá meira ella minni stilt í eina tíð, men nú er ferð komin á aftur.

Men langt er á mál. Og tað skulu nógvar milliónir krónur til afturat. Tá hesar milliónir krónurnar ikki eru í kommunukassanum, so verður leitað aðrastaðni eftir pengunum.

Í einum innliti kringvarpið hevur fingið, verða Føroya Bjór, SEV, IRF, Magn og Effo nevndir sum møguligir íleggjarar í eitt fjarhitafelag, sum skal eiga og reka skipanina - men enn hava ongar ítøkilgar samráðingar verið við hesi feløg.