Útflutningurin minkaður stíva hálva milliard

Útflutningurin minkar.

Føroyar útfluttu fyri 12,2 milliardir krónur frá mai 2024 til apríl 2025. 

Tað er stív hálv milliard, 551 milliónir krónur minni, frá mai 2023 til apríl 2024.

Fiskavøruútflutningurin er 714 milliónir minni, skrivar Hagstovan.

Laksur er minkaður 291,7 milliónir, tí prísirnir eru so vánaligir nú.

58 kr. kilo

Virðið er minkað fimm prosent, men nøgdin er vaksin 13 prosent.

Nú er miðalprísurin komin niður á 58 krónur kilo.

Hann hevur verið heilt uppi á næstan 92 krónum. Tað var í mai 2022.

Betri prísur fyri makrel

Men prísurin fyri makrel er hækkaður.

Útflutningsvirðið er vaksið 63,6 prosent, men nøgdin bara sløk 5,6 prosent. 

Útflutningurin til Russlands er slaka hálva milliard størri nú enn hann var i mai 2024.