Við flogfari, bussi og ferju ímóti Orknoyggjum

Teir umleið 70 føroysku íðkararnir vóru troyttir seinnapartin fríggjadagin, tá ferja legði at í Stromness í Orknoyggjum, har oyggjaleikir vera næstu vikuna.

Føroyingarnir høvdu flogið, koyrt og siglt í góðar 12 tímar og vóru fegnir um at koma á land í lítla oyggjasamfelagnum norðanfyri Skotland, har bert á leið 21.000 fólk búgva.

Fyrst skuldu ítróttafólkini umframt venjarar og hjálparfólk finna útav, hvar tey búgva - onkur í Stromness og onnur í høvuðsstaðnum Kirkwall - og síðan varð farið undir at gera klárt til fyrstu venjingarnar.

Seinnapartin leygardagin er sjálv setanin, og sunnudagin byrja kappingarnar.