Havstovan fer skjótt undir sín part av arbeiðinum í stórari ES-verkætlan

Í vár fekk Havstovan játtað pening frá ES um luttøku í stóru EPOC verkætlanini, sum kannar tað termohalina rákið, hjá okkum ofta nevnt “Golfstreymurin”, og hvussu samanhangandi hetta rákið er. Arbeiðið hjá Havstovuni verður at kanna rákið tvørtur um Íslandsryggin og rákið í Hetlandsrennuni. 

ES verkætlanin EPOC (Explaining and predicting the ocean conveyor) byrjaði í 2022, og í henni luttaka 21 ymiskir granskingarstovnar. Fleiri av hesum stovnum máta styrkina í termohalina rákinum aðrastaðni í Atlantshavi, eitt nú við 26°N millum Kanarisku oyggjarnar og Florida og norðuri við Fram Sundið millum Grønland og Svalbard. Men ongin teirra mátar á Grønland-Skotland rygginum, sum Føroyar jú liggja á. 

Hoyr Karin Margrethu H. Larsen, havfrøðing og deildarleiðara á Havstovuni, greiða frá um hetta: