Aftur eldgos á Reykjanesi

Nú er eldgos aftur í Íslandi.

Tað byrjaði um fimmtíðina okkara tíð í morgun.

Gosið er, sum hini, sum hava verið hesi seinastu árini, á Reykjanesi.

Fólk eru flutt úr Bláa lóninum og av einum tjaldingarplássi í Grindavík.

Gosið er annars langt frá Grindavík.

Men fólk vóru tó biðin um at fara hiðani í nátt, tá nógvir jarðskjálvtar boðaðu frá, at eldgos kanska var á veg.

Sum er stendst eingin vandi av eldgosinum.

Hvørki hús ella vegir eru hótt, skrivar RUV.

Gass

Fólk í Vogum og í Reykjanesbýi eru biðin um at lata øll vindeygu aftur, tí gass kemur frá gosinum.

Goskluftin er millum 700 og 1000 metrar.

Grótbræðingin rennur í ein landsynning.

Hetta er tólvta eld­gosið á Reykjanesi síðani 2021.

Gosið nú er á nøkunlunda somu leið sum gosið í august í fjør.

Løgreglan hevur lýst neyðstøðu, og tilbúgvingin er klár.