Ein stimitúrur yvir á Blankskála við Uppsala Pæturi og Eiriki á Húsamørk

Á varmakeldu varð nýggja áttamannafarið hjá Eiriki á Húsamørk - Uppsala Pætur, flotað. Endamálið við bátinum er at gera útferðir frá Leirvík til Blankskála á Kalsoynni, ið er tiltikið fyri góðan sólargang, samstundis sum streymviðurskiftini í Leirvíksfirði eisini gera túrin til nakað heilt serligt.

Áttamannafarið Uppsala Pætur við bryggju í Leirvík.jpg

Umframt stimitúrin er ætlanin eisini at borðreiða við heimabakaðum breyði, bollum og føroyskum viðskera í fjósinum, ið stendur miðskeiðis í Leirvík og sum er umbygt til endamálið, sigur kona Eirik, Harda Skoradal. Annað er eisini á skránni viðhvørt, eitt nú svartkalvi. Harda leggur afturat, at herfyri vitjaði eitt par úr Italia, og tey dámdu væl føroyska matin. 

"Ongi vindeygu eru í fjósinum, so gestirnir verða ikki órógvaðir av fólki uttanfyri, og tey, sum eru uttanfyri, verða ikki órógvaði av teimum, sum eru inni", sigur Eirikur á Húsamørk. Og júst hetta ger eisini, at fjálga fjósið í enn størri mun kennist sum at fara inn í eina hugnaliga holu.

harda_skoradal_og_eirikur_a_husamork.jpg

Tú kanst hoyra samrøðuna við Eirik á Húsamørk og Hardu Skoradal her.