Greta hitar upp til G! við vøkrum sjónbandalagi

Í síðstu viku útgav Greta Svabo nýggja staklagið "islands". Sangurin er skrivaður í Føroyum, og er ein kvøða til oyggjafólk.

Í samband við, at nú Greta er komin til Føroya at spæla á G! festivalinum fríggjadagin, gevur hon eisini sangin út sum sjónbandalag. 

Orðið 'isolation' kemur frá latínska “insulatus”, sum merkir "at vera gjørdur til eina oyggj."  

"Hetta er ein kensla, sum føroyingar og onnur frá smásamfeløgum ofta kenna seg aftur í. Video lýsir tað fløkta í at kenna seg sum partur av og samstundis isoleraðan frá okkara sambondum við hvønn annan og við okkara umhvørvi," sigur Greta Svabo um sangin og sjónbandalagið. 

Greta Svabo islands

We were on an island singing
We are the only ones,
now I’m thinking of you
singing am I the only one
(úr "islands")

Sambært Gretu Savbo, so er boðskapurin í "islands" eisini orsøkin til, at grønlendski bólkurin Small Time Giants longu hevur útgivin eitt cover av sanginum á útgávuni "Formed by Mistakes".

Meginparturin av sjónbandalagnum er filmaður í Mjáuvøtnum, og tað eru Gaui H og Andi Hampton, ið hava filmað.