Vandi fyri hungursneyð í Afganistan

Alsamt fleiri fólk í Afganistan fáa ikki nóg mikið at eta.

Tað vísir ein nýggj frágreiðing hjá matvørustovninum hjá ST, World Food Programme, sum staðfestir, at fjórði hvør afgani er í vanda fyri at líða hungur.

Næstan 10 milliónir fólk - ein fjórðingur av fólkinum - eru í vanda fyri at vera rakt av matvørutroti.

Trupulleikin er, at trot er á mati, ella at lítil føðsla er í matinum.

Matvørustovnurin hjá ST sigur, at orsøkin til gongdina er, at stovnurin fær minni fíggjarligan stuðul enn fyrr.

Millum annað hevur heimsins størsti stuðulsveitari, USA, skorið sín stuðul til World Food Programme niður í helvt, tá USA minkaði játtanina til US-AID, sum er amerikanski menningarstovnurin.