Fiskiskapurin eftir botnfiski minkaður 8.000 tons

Fiskiskapurin eftir botnfiski minkar støðugt. Fyrstu níggju mánaðirnar í ár minkaði fiskiskapurin eftir toski, hýsu, upsa og øðrum botnfiskasløgum meiri enn 8.000 tons.

Serliga fiskiskapurin eftir upsa minkaði nógv, næstan 7.000 tons, samanborið við í fjør. Fiskiskapurin eftir toski og hýsu var heldur frægari.

Søluvirðið av vanligu botnfiskasløgunum minkaði eisini nógv, 130 milliónir kr., svarandi til 26 prosent.

Fyrstu níggju mánaðirnar í ár var fiskur útfluttur fyri 547 milliónir kr. Í fjør var útflutningurin 688 milliónir kr. í fjør, vísa tøl frá Hagstovuni.