Russland lopið á við dronum og rakettum

Russland leyp í nátt á Ukraina við 574 dronum og 40 rakettum. Boð eru um, at í minsta lagi eitt fólk hevur latið lív, og nógv vórðu særd, skrivar norska kringvarpið.

Hetta er størsta russiska álopið, samstundis sum roynt verður at fáa enda á krígnum.

546 dronur og 31 av rakettir vórðu skotnar niður.

Pólska flogvápnið hevur sent flogfør til at verja loftøkið, upplýsir pólska verjan.

Beint fyri midnátt í gjárkvøldið vóru álop á høvuðsstaðin, Kyiv, upplýsa tíðindafólk í býnum, sambært NTB.

Ávaringarlúðrar ljóðaðu um alt landið til at ávara um dronuálop. 

Sambært ukrainskum herfólkum er fleiri tíggjutals russiskar dronur í luftini, skrivar norska kringvarpið.