- Tíðindi, mentan og ítróttur
Rakstrarúrslitið hjá Bakkafrosti versnaði nógv í øðrum ársfjórðingi
Rakstrarúrslitið hjá Bakkafrosti versnaði nógv í øðrum ársfjórðingi
Prísurin er lækkaður, ti útboðið er vaksið
Útboðið av laksi er stórt í løtuni, og tað ávirkar prísin, sum er nógv fallin.
26.08.2025 - 08:02
Rakstrarúrslitið hjá Bakkafrosti var nógv verri í øðrum ársfjórðingi í ár enn í fjør.
Tað var 65 mió. kr. í ár fyri skatt, men 388 mió. kr. í fjør.
Orsøkin er sera lágur prísur, sigur Bakkafrost.
Hann kemst av stóra útboðnum.
Tøkan var 16.020 tons í Føroyum og 7.034 tons í Skotlandi.
Í fjør var hon 10.226 tons í Føroyum og 11.366 tons í Skotlandi.
Regin Jacobsen.
Góð lívfrøðilig gongd
Góða lívfrøðiliga gongdin í Føroyum er tann besta, vit hava sæð, sigur Regin Jacobsen, stjóri.
Fellið minkaði 52 prosent sammett við annan ársfjórðing í fjør.
Men í Skotlandi var stórt felli í smoltalingini. Orsøkin er sjúka.
Fyri at fáa størsta ágóðan av royndunum úr Føroyum, tá ræður um hágóðskusmolt, hevur Bakkafrost lagt smoltalingina í Skotlandi saman við teirri føroysku og undir føroyskari leiðslu, sigur Regin Jacobsen.
Er kopiera
Nýggjastu sendingar í ÚV
Nýggjastu sendingar í SV
