Upplivdu næststørsta álopið á Kyiv higartil í krígnum

Russisk álop hava í nátt rakt mið- og landsynningspartin av Ukraina - serliga við býirnar Pavlohrad og Dnipro.

Ukrainskar myndugleikar upplýsa, at í minsta lagið eitt fólk lá eftirá, og 16 fólk eru særd - teirra millum tvey børn.

Russland hevur ikki viðmerkt álopini.

Hesa vikuna hava eisini verið ein røð av álopum á ukrainska høvuðsstaðin, Kyiv, serliga hósnáttina og fríggjanáttina. 

Sambært AFP-tíðindastovuni doyðu 23 fólk hósnáttina í næststørsta álopinum á ukrainska høvuðsstaðin higartil í krígnum.

Álopið reiv millum annað ein bygning í tvey í einum íbúðarblokki, og skamt harfrá stóðu føroyingarnir Bjørn Kallsoy og Bjarti G. Olsen, sum ikki fingu sovið av larminum, tá bæði dronur og rakettir vórðu skotnar móti Kyiv. 

Bjørn Kallsoy greiðir soleiðis frá:

Bjørn Kallsoy sigur, at Russland vil ikki hava frið. Tað tykist heilt greitt, eisini sæð í ljósinum av álopunum seinastu dagarnar, sigur hann.