Meinhard Bjartalíð í farloyvi

Søkt verður eftir sóknarpresti í tríggjar mánaðir til Glyvra prestagjald.

Tað skrivar fólkakirkjan á heimasíðuni.

Meinhard Bjartalíð, sóknarprestur, fer í lestrarfarloyvi í tíðarskeiðnum 1. november - 31. januar 2026, og tá er tørvur á øðrum presti at røkja kallið.

Gudstænastur verða hildnar í Glyvra kirkju, Rituvíkar kirkju og Bønhúsinum í Søldarfirði. 

Aftrat kirkjunum eru onnur tænastustøð, t.d. gudstænasta og andakt á  ellis- og røktarheimi, stovnum og býlum. 

Freistin at søkja er 15. september.