Breddin: Peningastovnar fíggja undirvísingartilfar í fólkaskúlanum

Felagið Peningastovnar hevur tikið stig til og fíggjað nýtt undirvísingartilfar, sum eitur Pengar, og sum skal brúkast til undirvísing í samfelags- og støddfrøði í hádeild í fólkaskúlanum.

Endamálið við nýggja undirvísingartilfarinum sigst verða, at børnini skulu læra um eginbúskap, og lagt verður upp til, at lærarar kunnu bjóða bankaráðgevum at vera gestalærarar.

Í Breddanum í dag hyggja vit nærri at nýggja undirvísingartilfarinum, og vit fara í smálutir við, hvussu undivísingartilfar í fólkaskúlanum verður gjørt. 

SCO

Í sendingini viðgera vit eisini felagsskapin SCO, sum er felagsskapur um samstarv um politikk, búskap og trygd, ið Russland og Kina stovnaðu fyrst í øldini.

SCO verður ofta sagdur at vera alternativ til NATO og G7.

Men er SCO veruliga eitt mótspæl til vesturheimin, og er talan um ein nýggja valdsjavnvág í heiminum?

Breddin í útvarpinum klokkan 10.