Fingu grind á Argjum

Tórshavnar Kommuna segði nei takk, men ein borgari tók sakina í egnar hendur.

Tórshavnar kommuna segði í gjár nei takk til 100 hval úr Fuglafirði. Mett var, at kommunan longu hevði nóg mikið av grind, og at tað kravdi ov nógv at fáa hana til Havnar.

Men tá Jóhannes Andrasson Arge av Argjum frætti hetta, tók hann sakina í egnar hendur. Við egnum átaki tryggjaði hann, at grind kortini kom til høvuðsstaðin. 

Fleiri fólk í Havn nýttu høvið at fáa sær ein part heim við sær, og undirtøkan hevur verið góð. Jóhannes Andrasson Arge sigur, at hann metti tað vera umráðandi, at grindin eisini bleiv býtt út, hóast kommunan valdi at takka nei.