Skal ikki vera ivamál um hekkuportrið

Tað sigur Henrik Old, skipari og løgtingsmaður fyri Javnaðarflokkin.

- Um ivamál eru, so má greiða fáast á málinum

Hann sigur, at tað er stórur vandi á ferð, um hekkuportrið ikki er afturlatið. Sjálvur hevur hann upplivað sum sjómaður í Skagerakk, at ein ferja sakk, tí at sjógvur kom inn á dekkið.
 

Roykti á bildekkinum

Henrik Old hevur siglt næstan 10 túrar við Galaxy, og hann hevur lagt til merkis, at hugburðurin til trygd er ikki tann sami við Galaxy sum við Smyrli.

- Ein dagin, tá ið eg kom umborð á bildekkið, stóð ein av manningini og roykti. Sovorið hevði ikki komið fyri umborð á Smyrli. Hugburðurin er tíverri nakað annað til trygd umborð á grikska skipinum, sigur Henrik Old.

Suðuroyartingmaðurin sigur, at Sjóvinnustýrið eigur at fara at kanna málið nærri.