Trump hartar Evropa fyri at keypa russiska olju

Í røðu síni í ST í gjár, hartaði amerikanski forsetin, Donald Trump, m.a. Evropa fyri framhaldandi at keypa olju og gass úr Russlandi, samstundis sum kríggið heldur fram í Ukraina. 

Hann mælti londunum í Evropa til alt fyri eitt at gevast við at keypa orku úr Russlandi.

Trump segði eisini, at ST brúktar "tóm orð", at felagsskapurin ikki hjálpir til at steðga kríggi, og at ST fíggjar eina "innrás" av tilflytarum inn í vesturlondum.

Eftir dundurrøðuna, har hann eisini fanst at veðurlagspolitikkinum, tilflytingini, rullitrappum, vindmyllum og ikki minst ST sum felagsskapi, kom forsetin við eini neyvlýsing.

- Eg eri kanska av og á ósamdur við ST, men eg stuðli tí ST, tí møguleikin fyri friði í hesum stovni er stórur. Okkara land stuðlar ST 100 prosent, segði Trump við Guterres, ST-aðalskrivara, eftir røðuna á ST-aðalfundinum.