Svøríki bjóðar Danmark dronuverndarskipanir

Svørríki bjóðar nú Danmark dronuverjuskipanir.

Tað váttar svenski forsætisráðharrin, Ulf Kristersson, fyri svenska miðlinum, TV4. 

- Vit hava sæð víðfevndar dronuflúgvingar í ymsum londum seinastu dagarnar. Sera óynsktar dronur. Og mikudagin í næstu viku hittast umleið 40 stjórnarleiðarar til ES-toppfund í júst Keypmannahavn. Vit hava boðið Danmark hjálp við hernaðar dronuvernd fyri at tryggja, at fundirnir kunnu haldast, sigur forsætisráðharrin.

Tað snýr seg um svenska førleikan at "skjóta dronur niður, sum ein ikki vil hava á staðnum". Ógreitt er, hvussu nógvar skipanir talan er um, skrivar TV4.

Fleiri hava funnist at, júst tí, at dronurnar ikki vóru skotnar niður, men at tær kundu flúgva ótarnaðar inni yvir fleiri hernaðarlig og sivil øki. 

- Hetta er eitt tilboð úr Svøríki, og tað er Danmark, sum ger av, um tørvur er á hjálpini ella ikki, sigur Ulf Kristersson.