Heilsurøktaraútbúgvingin verður víðkað

Heilsurøktaraútbúgvingin hevur fjarlestur, men skal frameftir eisini skipast við undirvísingartímum norðanfyri Suðuroynna.

Tørvurin á útbúnum røktarstarvsfólki á eldraøkinum er munandi minni í Suðuroynni borið saman við tørvin norðanfjørðs.

Tað vísti Búskaparráðið á í frágreiðing um kommunubúskapin og eldraøkið, ið varð løgd fram hósdagin. Her mælir Búskaparráðið til at betra útbúgvingarmøguleikarnar at gerast heilsuhjálpari og heilsurøktari.

Ein loysn hevði verið at skipa fyri fjarlestri. Tað søgdu formaðurin í Kommunufelagnum og borgarstjóri í Runarvíkar kommunu, Torbjørn Jacobsen og Bjarni Prior, borgarstjóri í Vága kommunu í útvarpstíðindunum í gjár.

Uppskotið nú liggur á borðinum, segði landsstýrismaðurin í útbúgvingarmálum í útvarpstíðindunum fyrr í dag.

Arbeitt verður við at fáa fjarlestur og undirvísing norðanfyri Suðuroynna í lag, men skipanin verður ikki klár í bræði, sigur Vivie Davidsen, stjóri á Heilsuskúla Føroya.

Hoyr meira í útvarpstíðindunum í kvøld: