- Tíðindi, mentan og ítróttur
Tomahawk-rakettir til Ukraina
Tomahawk-rakettir til Ukraina
Ukrainski forsetin hevur biðið USA um at selja evropeiskum londum slíkar rakettir, sum síðani kunnu flytast víðari til Ukraina
J.D. Vance er varaforseti í USA
Mynd: Reuters/Ritzau Scanpix
29.09.2025 - 08:30
USA umhugsar at lata Ukraina Tomahawk-rakettir til at berjast ímóti russisku innrásini.
Tað sigur amerikanski varaforsetin, J.D. Vance, við Fox News.
Forsetin í Ukraina, Volodymyr Zelenskyj, hevur biðið USA um at selja Tomahawk-rakettir til evropeisk lond, sum so skulu flytast víðari til Ukraina.
J.D. Vance sigur tó, at tað er Donald Trump, forseti, sum endaliga skal góðkenna eina slíka avtalu.
Tomahawk-rakettirnar røkka 2.500 kilometrar, og kunnu tí raka mál langt inni í Russlandi.
Trump hevur áður noktað umbønum úr Ukraina um langtrøkkandi rakettir, men seinastu tíðina hevur hann verið ørkymlaður av, at Vladimir Putin sýtir fyri at gera friðaravtalu.
Er kopiera
Nýggjastu sendingar í ÚV
Nýggjastu sendingar í SV
