Landsstýriskvinnan: Vilja varðveita serlæknaskipanina

Læknafelagið hevur mótmælt raðfestingunum í uppskotinum til fíggjarlóg, sum liggur í løgtinginum. 

Serlæknapuljan, sum í í hesum árinum er 5,2 milliónir krónur, verður næsta ár 450.000 krónur sambært uppskotinum. 

Ragnar Djurhuus Hammer

Ragnar Djurhuus Hammer er formaður í Læknafelagnum, sum finst at landsstýrinum fyri at hava lækkað játtanina til serlæknapuljuna munandi.

Súsanna Bertholdsen, landsstýriskvinna í heilsumálum, sigur, at tillagingar eru gjørdar, men hon leggur dent á, at serlæknaskipanin skal varðveitast.

Og arbeitt verður við innanhýsis flytingum, so játtanin kann hækka eitt sindur. 

Súsanna Bertholdsen sigur, at skipanin verður raðfest, og í løtuni eru 48 útbúgvingarstørv. Av hesum verða tríggir læknar í almennum medisini, kommunulæknar, lidnir við sína høvuðsútbúgving í november.

Hoyr innslag í útvarpstíðindunum: 

Sí eisini: Læknafelagið mótmælir skerjing í serlæknapuljuni