Ferðavinnan í Íslandi hevur framgongd

Ferðavinnan er nú farin fram um fiskivinnuna í Íslandi, tá ræður um útvega landinum fremmant gjaldoyra.

Í ár eigur ferðavinnan 37 prosent av útlendsku pengunum, sum íslendska samfelagið fær. Fiskivinnan eigur 35 prosent og 28 prosent koma frá aluminiumsvinnuni.

Tøl, sum Landsbankin hevur kunngjørt, siga, at verður gongdin í ár tann sama eftir 1.oktober sum fyri 1.oktober, verður ferðavinnan fyri fyrstu ferð størri enn fiskivinnan í Íslandi.