Norskt frystilínuskip avloysir Klakk

Norska línuskipið, Urvaag, kemur í flotan fyri Klakk, sum ikki longur er tíðarhóskandi. Tað skrivar Norðlýsið. Urvaag, sum er smíðaður í 1989, hevur góða frystiorku.

Skipið verður yvirtikið komandi vikuskifti, og tá skulu onkrar broytingar gerast umborð.

Skipið kemur til Føroya tíðliga í januar, og fer eftir æltan til fiskiskap hálvan januar. Manningin, sum í løtuni er við Klakki, fer umborð á nýggja skipið.

Reiðararnir vilja ikki upplýsa, hvat Urvaag kostar, men tá skipið er klárt at fara til fiskiskap hálvan januar, fer tað at standa teimum í 20 - 25 miljónum krónum.