ES-londini seta sær nýggj mál fyri veðurlagsútlát

ES-londini eru vorðin samd um nýtt mál fyri 2040 um at minka veðurlagsútlátið. 

Tað boðar ES frá í morgun.

Semja er um avtalurnar eftir sera harðar samráðingar í Brússel seinasta samdøgrið. 

Limalondini í ES fáa eisini møguleika at gera skipanina við útláti smidligari.

- Við nýggju avtaluni kunnu lond keypa útlendskar veðurlagskvotur, sum røkka upp í fimm prosent av málinum um at minka útlátið 90 prosent.

Skerja 85 prosent

Tað sigur danski veðurlagsráðharrin, Lars Aagaard, sum stóð á odda fyri samráðingunum.

Hetta merkir í roynd og veru, at ídnaðurin í Evropa bert skal skerja útlátið 85 prosent.

ES samtykti eisini at umhugsa møguleikan at nýta altjóða veðurlagskvotur til at fevna um fimm prosent aftrat av niðurskurðinum í útlaninum fyri 2040, sigur Lars Aagaard. 

Eisini var semja um veðurlagsmál fyri 2035. Tey verða kunngjørd á COP30-fundinum, sum byrjar í morgin í Brasil, og endar 21. november.