Støðan hjá kundunum batnaði í triðja ársfjórðingi

Føroysku peningastovnarnir siga, at fíggjarliga støðan bæði hjá vinnukundunum og privatkundunum batnaði í triðja ársfjórðingi.

Orsøkin er rentulækkingar, siga teir.

Men peningastovnarnir vænta ikki, at fíggjarstøðan batnar uppaftur meira í fjórða ársfjórðingi.

Teir vænta ikki, at rentan lækkar í fjórða ársfjórðingi.  

Tað sigur Landsbankin, sum ger útlánskanning fyri hvønn ársfjórðing.

Støðan í heiminum skapar óvissu

Peningastovnarnir siga, at geopolitiska støðan í heiminum skapar óvissu.

Men hetta hevur ikki havt nevniverda ávirkan á vinnukundarnar, siga peningastovnarnir.

Peningastovnarnir siga, at í triðja ársfjórðingi fingu húsarhaldini reallønarhækking.

Onkur peningastovnur heldur, at øktu matvøruprísirnir viga upp í móti rentulækkingunum.

Fíggjarstøðan hjá húsarhaldunum er tí ikki betrað nevnivert.