Landsstýrismaðurin: Ber ikki til at hava umval á einum valstaði

Borgarstjórin í Runavíkar kommunu hevur sett spurnartekn við umvalið í kommununi, men Bjarni K. Petersen sigur, at eingin heimild er at útskriva val á einum einstøkum valstaði

Bjarni Kárason Petersen, landsstýrismaður í lógar- og kommunumálum.

Jógvan Jákupsson

25.11.2025 - 13:26

Kommunur rinda fyri kommunuval.

Og tað ber heldur ikki til at hava umval bara á einum valstaði.

Tað sigur Bjarni Kárason Petersen, landsstýrismaður í lógarmálum, nú borgarstjórin í Runavíkar kommunu hevur sett spurnatekn við avgerðina at lýsa umval i Runavíkar kommunu.

Tórbjørn Jacobsen, Tobbi

Tórbjørn Jacobsen. (Mynd: Runavíkar kommuna)

Tórbjørn Jacobsen, borgarstjóri í Runavíkar kommunu, almannakunngjørdi í gjár eitt skriv, stílað til løgmann og til landsstýrismannin í lógar- og kommunumálum.

Hann vísir á, at kommunur rinda fyri reglulig val, tað veri seg kommunuval, løgtingsval og fólkatingsval. Men í hesum førinum er tað Løgmálaráðið, sum ásetir eitt óregluligt val, og tí spyr hann, um tað verður Løgmálaráðið sum skal rinda fyri útreiðslurnar av tí.

Bjarni Kárason Petersen sigur, at sambært lógini rinda kommunur útreiðslurnar, sum standast av at hava val.

Les bræv frá Løgmálaráðnum til Runavíkar kommunu her.

Hoyr innslag í útvarpstíðindunum:

25112025_Bjarni_og_umval