Dalbingar fáa nú at vita, um bergholið kann brúkast í vetur

Mikukvøldið í næstu viku fáa dalbingar at vita, um tey sleppa at brúka bergholið í vetur.

Tí tá verður kunningarfundur í Dali um bergholsarbeiðið, og hvussu ferðslan verður skipað í vetur.

Um dalsvegurin verður stongdur í vetur fyri veður, er møguleiki, at ferðslan verður leidd gjøgnum bergholið. 

Ferðslan verður skipað sum raðkoyring. 

Hetta er trygg loysn, sum órógvar arbeiðið í bergholinum minst møguligt, sigur Landsverk.

Á fundinum í Dali vera politiið, sjúkrabilatænastan, Tórshavnar sløkkilið og Landsverk.