Vikugesturin: Saman standa vit sterkari

- Vit kunnu ikki einsamøll broyta heimin, men vit kunnu kasta ein stein í vatnið, sum skapar ringar.

Sum ung helt hon, at hon skuldi út í heimin at gera mun. Men sum vaksin hevur hón ásannað, at tað er í tí smáa, í møtinum við onnur menniskju, at vit hvør í sær hava eina ávirkan á, at heimurin verður eitt betri stað.

Hedvig Johansdóttir tók við sum aðalskrivari í Barnabata, sum um vikuskiftið aftur stílar fyri "Í menniskjum góður tokki". Eitt tiltak, sum stórur tørvur er á, hóast vit liva í einum tí ríkasta samfelagnum í heiminum, tí tað eru eini 1000 børn í fátækraváða í Føroyum. 

- Vit kunnu ikki einsamøll broyta heimin, men vit kunnu kasta ein stein í vatnið, sum skapar ringar, sigur Hedvig Johansdóttir.

Hedvig er útbúgvin kandidatur í námsfrøðiligari sálarfrøði, og seinni hevur hon tikið master í trivnaðar- og tilfeingissálarfrøði. Vit tosa við Hedvig um hennara lívsleið, har hon hevur ferðast víða, eisini millum illa stødd børn og ung, og vit spyrja hana, hvussu børn hava tað í Føroyum. Vit viðgera eisini, hvat Barnabati er, og hvat Barnabati ger.

Hoyr alla samrøðuna við Hedvig Johansdóttir, sum var vikugestur.