Málið um fýrverkið í Vági er nú hjá ákæruvaldinum

Málið um nógva fýrverkið, sum var funnið í einum sethúsum í Vági 25. september í fjør, er nú hjá ákæruvaldinum.

Politiið í Suðuroynni sendi tað hagar í september í ár.

Politiið fann meira enn átta tons av fýrverki í einari húsarannsókn í sethúsunum.

Húsarannsóknin var gjørd, eftir at politiið fekk fráboðan um fýrverkið.

Ákæruvaldið kannar nú málið fyri at fáa greiðu á, um ákæra skal reisast.

Ein maður er skuldsettur í málinum.