Løkke í øðini inn á USA um serliga sendimannin fyri Grønland

Danski uttanríkisráðharrin, Lars Løkke Rasmussen, er í øðini um, at USA hevur tilnevnt ein serligan sendimann fyri Grønland.

- So leingi vit hava kongsríki Danmark, er hetta eitt álop á okkara suverentitet, og tað kann ikki góðtakast, sigur hann.

Løkke, sum í løtuni er staddur í Føroyum, vil hava fund við amerikanska sendiharran í Danmark, Ken Howery, um málið:

Jeff Landry

Jeff Landry. (Mynd: The Boston Globe)

Donald Trump, forseti, hevur tinevnt Jeff Landry serligan sendimann íGrønlandi. Hann hevur verið guvernørur í Louisiana síðani 2024, og heldur fram í tí starvinum.

Trump skrivar á sínum egna miðli, at Jeff Landry veit, hvussu stóran týdning Grønland hevur fyri trygdina hjá USA.

Jens-Frederik Nielsen, Demokraatit

Jens-Frederik Nielsen.

Grønlendski landsstýrisformaðurin, Jens-Frederik Nielsen, sigur, at tað broytir einki, at USA hevur sett serligan sendimann fyri Grønland, og at fólkið í Grønlandi skal sjálvt avgera sína framtíð.

Hann skrivar á Facebook í morgun, at grønlendingar eiga Grønland, og at rætturin skal virðast.

- Vit avgera sjálv okkara framtíð. Grønland er okkara land. Vit hava okkara fólkaræði, taka egnar avgerðir og hava sterkan felagsskap, og tað vikast ikki, skrivar Jens Frederik Nielsen á Facebook.