Rubio: Leggja trýst á Danmark at keypa Grønland

Amerikanski uttanríkisráðharrin, Marco Rubio, sigur, at hóttanirnar móti Grønlandi ikki snúgva seg um innrás, men heldur um trýst á Danmark at keypa Grønland.

- Hvítu húsini brúka retorikk til at trýsta Danmark til samráðingarborðið, segði Rubio við umboð fyri kongressina á einum afturlatnum fundi mánadagin, sambært The Wall Street Journal.

Blaðið hevur upplýsingarnar frá tveimum fólkum, sum vita, hvat var sagt á fundinum, har millum annað krígsmálaráðharrin (fyrr verjumálaráðharrin), Pete Hegseth, og verjuovastin, Dan Caime, vóru við. Men tað var Rubio, sum fyri tað mesta hevði orðið, skrivar blaðið.

The New York Times skrivar, at boðskapurin hjá Rubio á fundinum, sum í roynd og veru mest snúði seg um Venesuela, var, at ætlanin er at keypa Grønland, og ikki at taka oynna við hermegi.