Løkke nøgdur við fundin í gjár um Grønland

Danski uttanríkisráðharrin, Lars Løkke Rasmussen, er nøgdur við fundin í Washington í gjár millum uttanríkisráðharrarnar í Grønlandi, Danmark og USA um ynski og ætlanina hjá USA at keypa ella taka yvir Grønland.

- Vit ímyndaðu okkum ikki, at hetta fór at enda við, at partarnir funnu fram til eina loysn eftir fundin í gjár, og tað hava vit heldur ikki, segði danski uttanríkisráðharrin eftir fundin.

Avgjørt er at seta ein arbeiðsbólk at kanna, um til ber at finna ein veg uttanum, samstundis sum landamørkini skulu virðast, segði Lars Løkka á tíðindafundinum.

- Vit mugu eina finna eina aðra leið, sum er nøktandi fyri allar partar, segði Lars Løkke Rasmussen:

- Vit eru ikki í einari støðu, har vit kunnu siga, at hatta var tað. Eg eri ikki sum Chamberlain, sum í síni tíð tosaði um frið í okkara tíð. Hinvegin skal mann lofta møguleikum, sum eru, segði Lars Løkke Rasmussen:

Lars Løkke Rasmussen

Lars Løkke Rasmussen. 
 

Lars Løkke Rasmussen var í nátt gestur hjá Bret Baier í sjónvarpsrásini Fox News.

Har vísti hann á drúgvu diplomatisku sambondini millum USA og Kongsríki Danmark, sum hava verið í 225 ár. 

- Tú finnur einki annað land, sum eins og Danmark hevur havt diplomatisk sambond við USA uttan íhald, segði Løkke.

Hann vísti eisini á, at bæði USA og danska kongsríkið eru partur av NATO. 

Vegurin fram skal tí vera at "sameina kreftir". Tí bæði USA og Danmark deila stúranina í ávísan mun - men ikki háttalagið: