Eldurin í sethúsum sløktur

Eldurin, sum kom í eini sethús á Sevmýri á Tvøroyri, er nú sløktur.

Tvøroyrar sløkkilið var boðsent, sum sendi boð eftir Vágs sløkkiliði, sigur vakthavandi á løgreglustøðini.

Eldurin var sløktur um áttatíðina í kvøld.

Eitt fólk var í húsinum, sum slapp út í øllum góðum.

Viðkomandi er farin á sjúkrahúsið til kanningar.

Húsini fóru illa av eldinum.

Løgreglan veit ikki, hví eldurin kyknaði, og kannar nú málið, sigur vakthavandi á løgreglustøðini.