Uppskot um armslongd tikið aftur

Uppskotið, sum skuldi tryggja armslongdina í sambandi við pengar til yrkisleiklist, er tikið aftur.

Tað gjørdi Sirið Stenberg, landsstýriskvinna, sum átti uppskotið, á tingfundinum í gjár.

Eingin annar setti uppskotið uppaftur.

Mentanargrunnurin skuldi, sambært uppskotinum, eftir tilmæli frá sakkønum ráðgevum avgera, hvør fær pengar til yrkisleiklist.

Tað skulu politikarar ikki gera.

Og Leiklistaráðið skuldi eita Palllistaráðið. 

Ráðið skuldi fáa betri umstøður at hugsavna seg um virksemið á Tjóðpallinum, nú tað ikki longur skuldi viðgera umsóknir um stuðul, sigur Mentamálaráðið.