Framherji fær nýggjari skip fyri Fagraberg í mars

Fagraberg, gamla Krúnborg, kom í gjáramorgunin  á Fuglafjørð, eftir at skipið hevur verið í Florø og lagt sløk 900 tons av sild upp.

Og gongur, sum Annfinn Olsen, reiðari, ætlar, so var hetta seinastu ferð, at skipið kom aftur av túri við Framherja sum eigara.

Fagraberg, nótaskip, uppsjóvarskip

Um ein slakan mánað yvirtekur reiðaríið hetlendska trolaran, Serene, sum er keyptur fyri hálvt triðja hundrað milliónir krónur.

Hoyr samrøðu við Annfinn Olsen í útvarpstíðindunum:

Fagraberg verður nú lýstur til sølu.

Sambært seinasta roknskapi, sum er fyri 2024, seldi samtakið fyri góðar 620 milliónir krónur hetta árið.

Avlopið fyri skatt var 60 milliónir krónur. Felagið hevði tá eina eginogn uppá eina góða hálva milliard krónur, og fíggjarstøðan javnvigaði við 1,3 milliardum krónum.