Tjørnuvíkartunnilin: Vilja hava greitt svar frá landsstýriskvinnuni

Sunda kommuna og fólk í Tjørnuvík vilja nú hava greitt at vita, hvat verður av tunlinum til bygdina.

Klokkan seks í kvøld seta tey Ruth Vang, landsstýriskvinnu í samferðslumálum, stevnu í bygdarhúsinum í Tjørnuvík. 

Landsstýriskvinnan í samferðslumálum fær tá handaðar undirskriftir frá fólki, sum vilja hava tunnilin. 

Í fíggjarlógini fyri í ár eru tríggjar milliónir settar av til Tjørnuvíkartunnilin, og á langtíðarjáttini aðrar 10 milliónir um árið í 2027 og 2028.

Harumframt standa, sambært landsstýriskvinnuni, umleið 12 milliónir krónur av óbrúktari játtan frá undanfarnum árum, sum kunnu brúkast til Tjørnuvíkartunnilin.

Men Ruth Vang vil hava eina politiska avgerð um Tjørnuvíkartunnilin, sum sambært Landsverki fer at komsta umleið 200 millónir krónur.

Hoyr innslag í útvarpstíðindunum: