34 milliónir aftrat til H-bygningin

Løgtingið fer í dag at játta 33,8 mió. kr. aftrat til H-bygningin hjá Landssjúkrahúsinum.

Fíggjarnevndin tekur einmælt undir við uppskotinum hjá Margit Stórá, landsstýriskvinnu. 

Onnur viðgerð og atkvøðugreiðsla vera á tingfundinum í dag.

Tingið skal eisini atkvøða um fýra onnur mál í dag, og endalig atkvøðugreiðsla verður um tvey mál.

Fyrsta viðgerð verður um uppskotið hjá Almanna- og Heilsumálaráðnum, um at geva Landsverki heimild at útvega ukrainum bráðfeingis bústaðir.

Og uppskotið hjá tveimum tingfólkum úr hvørjum flokki í andstøðuni um at lækka kolvetnisskattin hevur eisini fyrstu viðgerð í dag.

Tingfundurin er kl.11.00