Búskapurin ovhitaður - húsaprísinir hækka støðugt

Greið tekin eru um, at búskapurin er ov heitur.

Vinnan og almenni geirin gera íløgur fyri upp ímóti fýra milliardum krónum til samans, og arbeiðsloysið hevur ligið undir eitt prosent í eina tíð.

Tað er ein orsøk til, at húsaprísirnir eru hækkaðir so nógv, sigur Kári Petersen, búskaparfrøðingur.

Kári Petersen

Tað er ikki óvanligt, at sethús í Havn verða seld fyri sjey, átta og stunum upp ímóti níggju milliónum krónum. Og smærri hús, sum krevja ábøtur, verða seld fyri fýra ella fimm milliónir. 

Avlopini í byggivinnuni eru sjeyfaldað seinastu 10 árini, meðan lønarútreiðslurnar bara er trífaldaðar.

Hoyr innslag í útvarpstíðindunum:

Ljóðbrotini í innslagnum eru úr heimildarsendingini 'Undir egið borð', sum verður send eftir Dag og viku í kvøld. 

Sendingin kann eisini síggjast her.