Hans Andrias Sølvará: Sessirnir á Fólkatingi minni týdning enn fyrr

Føroysku sessirnir á Fólkatingi hava munandi minni týdning, enn teir hava havt fyrr.

Tað sigur Hans Andrias Sølvará, søgufrøðingur.

Í tíðini um aldarskiftið yvirtók Løgtingi síðstu stóru máløkini - millum annað skúlamál og almannamál - og tí er stórur partur av lóggávuni í Føroyum í dag.

Hetta ger, at føroysku umboðini á Fólkatingi fylla starvið hjá sær út við ymiskum, sum ikki beinleiðis hevur verið knýtt at lóggávu í Danmark.

 - Tey brúka nokkso nógva tíð og orku upp á, at finna pengar á donsku fíggjarlógini til ymsar verkætlanir í Føroyum. Bæði mentanarhús ella granskingarverkætlanir, sum ikki upprunaliga høvdu so nógv við fólkatingsarbeiði at gera, sigur Hans Andrias Sølvará.