Sjúrður fekk fleiri atkvøður í Klaksvík enn Fólkaflokkurin tilsamans

Klaksvíking, sum í nógv ár hevur verið grøn, er í kvøld blóðreyð. 

Tað er eingin ivi um, hvønn klaksvíkingar vilja hava at umboð seg á fólkatingi. 

Sjúrður Skaale hevur fingið 1066 persónligar atkvøður í Klaksvík, og tað er fleiri atkvøður, enn Fólkaflokkurin fekk tilsamans í Klaksvík. 

LV26, Trapputingið, Klaksvík

Spurningurin er so, um hetta á nakran hátt fer at síggjast aftur á løgtingsvalinum?

Neyvan, sigur Jóhann Lützen, viðmerkjari. 

"Sjúrður Skaale stillar ikki upp til løgtingsvalið, men tað verður spennandi at vita, um nakrar av atkvøðunum, ið Sjúrður Skaale hevur hálað yvir til Javnaðarflokkin blíva hangandi til hóskvøldið."

Jóhann Lützen vísti á, at tað hevur hóvað klaksvíkingum, at Sjúrður Skaale hevur lovað, at eingin moske skal byggjast í Føroyum. 

Og so tann sannroynd, at Sjúrður Skaale hevur skaffað fígging úr Danmark til verkætlanir runt alt landið.