ABC við samráðingarborðið

Fólkaflokkurin, Sambandsflokkurin og Javnaðarflokkurin fóru í dag undir samráðingar at skipa samgongu.

Partarnir eru við gott mót, sigur Beinir Johannesen, samráðingarleiðari og formaður í Fólkaflokkinum.

Floksformenninir hittust fyrrapartin og tingfólkini løgdust afturat samráðingunum seinnapartin.

Tingfólkini hava býtt seg í fýra bólkar, sum viðgera hvør í sínum lagi útbúgving, almannamál, heilsumál, orku- og umhvørvismál, sigur Beinir Johannesen.

Flokkarnir hittast aftur í morgin, leggur hann afturat.

Evstamarkið hjá Beini Johannesen, samráðingarleiðara, at skipa samgongu er 10. apríl.

Sólvit Nolsøe, stjórnmálafrøðingur og politiskur viðmerkjari, var í sjónvarpsstovuni.