Gjaldsskipan fyri at sigla gjøgnum Hormuzsundið

Ein trygdarnevnd í iranska tjóðartinginum hevur samtykt lógaruppskot um at seta í gildi gjaldsskipan fyri skip, sum sigla gjøgnum Hormuzsundið.

Hon mælir eisini til at avmarka atgongdina hjá skipum, sum hava sett revsitiltøk í verk móti landinum, og hjá londum, sum hava samband við tey.

Bummgjøldini verða kravd inn í iranska gjaldoyranum, rial, veit tíðindastovan Fars at siga frá. 

Endamálið er at styrkja gjaldoyrað í Iran og skáka sær undan amerikonsku revsitiltøkunum, samstundis sum staturin fær fult tamarhald á inntøkum, skrivar NTB.