Vance til Ungarn at stuðla Orban

Amerikanski varaforsetin, J.D.Vance, hevur sett kós móti Ungarn fáar dagar fyri valið í landinum, har politiska lagnan hjá Viktor Orban, forsætisráðharra, verður avgjørd.

Vance og amerikanski forsetin, Donald Trump, hava víst Orban dyggan stuðul, og Vance skal á vitjanini halda røðu á einum valfundi fyri sitandi forsætisráðharranum.

Sambært Hvítu húsunum fer røðan hjá Vance at snúgva seg um samtarvið millum londini bæði. 

Undan røðuni fara Vance og Orban at hava fund og síðani almennan tíðindafund.

Meiningakanningar hava í fleiri mánaðir givið ábendingar um, at Orban, sum hevur verið forsætisráðharri síðani 2010 og árini millum 1998 og 2002, kann fara at tapa valið, sum verður sunnudagin.