Eiga at tosa opið um skiftisár

- Hetta er dagurin, tá systrarnar báðar fara á apotekið at keypa hormonir.

Soleiðis byrjar eitt videobrot, sum Vanja Carlsen hevur lagt út á sín Instagram-vanga. 

Í videobrotinum eru hon og systirin, Laila Carlsen, í bili á veg á apotekið at keypa hormonir.

Systrarnar báðar eru komnar í skiftisár og hava tørv á hjálp. 

Í morgunsendingini greiða Laila Carlsen og Vanja Carlsen frá hesum tíðarskeiðinum í lívinum, sum tær halda, at kvinnur eiga at tosa opið og ærliga um.